Zure ustez iragarki eta filmek asko irabazten badute bikoizketa komikoa eransten zaienean, hauxe da zuretzako lehiaketa. Florentino Fernández, Carlos Latre edo José Motaren arrastoa jarraitzeko gai ote zara? Hala uste baduzu, segitu irakurtzen!

Prestatu dugun bideo-sortaren artean aukeratu ezazu (filmak, iragarkiak, sailak) audioa kenduta izango dutenak. Zeuk bakarrik edo zure lagunek lagunduta, protagonistei ahotsa jarri beharko diezue, eta egon daitezkeen efektu bereziak edo musika erantsi beharko dituzue.

Bideo hauetatik gehienez lau aukeratu ahal izango dituzue, jada bereiz entregatzeko edo muntaketa bat egitea pentsatu baduzue ere.

Bukatutakoan Intranetera igo beharko dituzue, asteleheneko 20:00ak baino lehen. Dena batera karpeta konprimatu batean bidaltzea eskertuko litzateke.

OHARRA: Azpititulu integratuak jartzea derrigorrezkoa da.

Jarri, ahaztu gabe, zuen izena edo ezizena eta party-ko postua, behar izanez gero zuekin harremanetan jarri ahal izateko. Bideoak pantailan emango dira, igande gauean. Antolatzaileek eskubidea dute ez proiektatzeko gustu onaren aurkako edukia duten ekoizpenak (bereziki, gure gustuaren aurkakoak) edota desegokitzat jotzen dituztenak.